Dende a Concellería de Medio solicitan colaboración cidada no servizo de recollida de enseres que presta o Concello de Lugo, que é totalmente gratuíto e que se pode solicitar a través dunha chamada ao teléfono: 982-25-44-83 e que actúe con responsabilidade. Insisten que para que o servizo de recollida se poida efectuar dunha maneira ordenada e sen dificultar a limpeza e desinfección da cidade, e importante deixar os enseres preto dos colectores pero non pegados.

Lembrar que no momento de recibir a petición, dende o servizo se lle indicará ao cidadán o día e a hora á que pasarán a recoller os mobles ou enseres dos que que se queira desfacer, dando prioridade ás peticións que se realizan seguindo este procedemento e atendendo a continuación o resto de incidencias non notificadas e das que da conta o propio servizo de recollida.

A retirada destes residuos realízase de luns a sábado, nun prazo máximo de dous días na cidade para o que se precisa un vehículo específico. En canto ao rural, recóllense unha ou dúas veces ao mes, en relación á demanda.