Comunicado oficial do Concello tras o atropelo mortal sucedido na cidade

Martes, 09 de agosto de 2016
Fonte: 
Gabinete de Prensa

O Concello de Lugo lamenta profundamente o falecemento da veciña luguesa de 87 anos, acontecido nun tráxico suceso ás 14:00 horas do día de onte, na intersección da rúa Pontevedra coa rúa do Freixo, consecuente dunha manobra dun furgón de atestados da Policía Local. A peatón foi atendida no lugar dos feitos polo persoal do 061 e trasladada ao Hospital Universitario Lucus Augusti (HULA), onde faleceu ás 15:36 horas. Requeriuse unha unidade de atestados da Garda Civil para instruír as dilixencias.

Así mesmo, desexa trasladar todo o seu apoio e dar o seu pésame a todos os familiares e achegados da víctima.

Noticias relacionadas