Filtros seguridade viaria

Durante a tarde do xoves 27 realizáronse varios filtros de seguridade viaria (controis de velocidade). Na Rolda da Muralla sorprendeuse a 15 condutores que pasaban o límite máximo de velocidade e na Rolda do Carmen confeccionáronse 5 denuncias polo mesmo motivo.

Durante a noite do mesmo día e a requirimento dunha patrulla da Policía Nacional, a Unidade de Atestados realizou as probas de alcoholemia ao condutor dun turismo, que finalmente lanzou resultados de 1.21 e 1.19 mg/ L, motivo polo cal se lle instrúen dilixencias por un presunto delito contra a seguridade viaria, pola modalidade de xuízo rápido.

Auxilio a cidadáns

Durante a tarde do xoves, os axentes dunha Unidade Territorial de Policía de Barrio acudiron a un domicilio da rúa Monte Picato, desde o cal se activou o botón de asistencia da Cruz Vermella, ao acharse unha persoa maior caída no seu interior e sen poder levantarse, ao parecer desde a noite anterior. Unha vez no lugar, en compañía dos Bombeiros e os servizos sanitarios, ao facerse imposible o acceso pola porta principal, finalmente logran acceder por unha xanela do patio de luces.

A muller, de 92 anos de idade, é avaliada polo equipo médico presente, negándose a ser trasladada a ningún centro sanitario, quedando ao coidado dunha veciña.

Durante a mesma tarde, os axentes tamén foron comisionados nun domicilio da rúa Tuy, onde dúas persoas maiores tiñan un problema. Unha vez no lugar, os policías comproban que se trata dunha muller, de 83 anos, que tentara que o seu marido, de 92 anos e que sofre brotes  psicóticos, deixase de tirar obxectos pola xanela. O home tirouse ao chan e fíxose unhas pequenas feridas na cabeza, que a propia muller lle curou.

O home finalmente foi trasladado a un centro sanitario, para a realización dunha avaliación máis completa. Puxéronse os feitos en coñecemento dunha filla da parella, que compareceu no lugar.

Home que non paga en restaurante

Durante a mesma tarde, os axentes trasladáronse a un restaurante da rúa Montero Ríos, onde había un cliente que consumira comida e bebida e dicía non ter diñeiro para pagar o importe da conta.

O home foi trasladado a dependencias policiais para a súa identificación, xa que se atopaba indocumentado e tamén lle foi incautado un trade, completamente novo, de cuxa procedencia non soubo ofrecer explicación.

Inspección en local de hostalería

Durante a tarde do xoves, a Unidade de Policía de Barrio, tamén colaborou coa Policía Nacional na inspección dun local de hostalería na rúa Mar Cantábrico. Os axentes confeccionaron denuncias por non presentar o título habilitante para realizar a actividade, así como por facer uso dun equipo reprodutor de música sen estar dotado da autorización necesaria.

Queixas por ruídos

Durante a noite do xoves ao venres, os axentes foron comisionados nunha vivenda da rúa Monte Picato, onde un veciño queixábase das molestias causadas desde outro piso por música e voces. Unha vez no lugar, os axentes mediaron na situación, informando ao presunto causante das queixas recibidas, tomando coñecemento das mesmas e comprometéndose a que non se volvese a repetir a situación.