Delito contra a seguridade viaria por alta taxa de alcol
Sobre as 4:00 horas do día 5 de maio unha patrulla do Grupo Operativo Nocturno da Policía Local de Lugo detecta, na confluencia das rúas Amendoeira e Santo Graal, un vehículo detido no medio do cruzamento obstaculizando a circulación, observando que no interior atópase o seu condutor totalmente durmido.
Os axentes golpean repetidamente o portelo logrando que o condutor se esperte, manifestando que acababa de chegar co seu vehículo e de súpeto parou xa que quedou durmido, apreciando que presentaba unha forte embriaguez, sendo sometido ás probas de detección alcohólica, lanzando un resultado POSITIVO de 1,27 mg/l (cinco veces a taxa máxima permitida e a segunda máis alta rexistrada neste ano en centro urbano), sendo trasladado á Unidade de Atestados do Corpo onde se instrúen dilixencias por delito contra a seguridade viaria na modalidade de Xuízo Rápido, inmobilizándose o vehículo.
Compróbase ademais que o condutor, de 38 anos de idade, é reincidente xa que presenta un historial de condenas penais por delitos contra a seguridade viaria. (Adxúntase imaxe)
Falsidade documental
O día 1 de maio unha patrulla da Unidade Territorial de Policía de Barrio da Policía Local de Lugo procede a dar o “alto” a un vehículo na Avenida Adolfo Suárez, comprobando os axentes a través das bases de datos policiais que o seu titular non o presentaba a inspección técnica no prazo debido.
Unha vez identificado ao condutor obsérvase que no parabrisas do vehículo ten colocada un adhesivo de pasar ITV favorable e válida ata o ano 2023, manifestando que deixara o coche nun taller e que pensa que foi onde lle colocaron o “falso“ adhesivo con validez ata ese ano.
Á vista do anterior os axentes instrúen dilixencias por un presunto delito de falsidade documental, intervindo o adhesivo de ITV, para a súa remisión ao Xulgado de Garda, procedendo así mesmo á denuncia do condutor por ter a ITV caducada.
Filtros de seguridade viaria
No transcurso da noite, efectivos do Grupo Operativo Nocturno da Policía Local de Lugo realizaron diversos filtrosde seguridade viaria en vías do centro urbano, detectando dous condutores que excederon a taxa máxima permitida nas probas de alcoholemia practicadas.
O primeiro foi detectado na Rolda das Fontiñas, lanzando un resultado POSITIVO de 0,60 mg/le o segundo na Avenida de Ramón Ferreiro, con resultado POSITIVO de 0,58 mg/l, abríndose expedientes sancionadores con multa de 1.000 euros e a retirada de 6 puntos do permiso de condución.
O segundo condutor ademais non respectou a luz vermella dun semáforo e non pasara a ITV no prazo debido.
Ruídos en interior de vivendas
Sobre as 2:15 horas do día 5 de maio unha patrulla do Grupo Operativo Nocturno da Policía Local de Lugo trasládase a un edificio da rúa Paxariñosxa que os veciños denunciaban ruídos molestos que proviñan dunha vivenda.
Os axentes comproban que se escoita música de forma continuada e cun volume moi elevado, utilizando un equipo de reprodución musical dentro da vivenda e no recibidor das escaleiras, incluso chegando a poñer un altofalante directamente fronte á porta dun dos veciños, procedendo á súa identificación, levantándose actas de denuncia por infracción á Ordenanza de Protección Ambiental e á Lei de Seguridade Cidadá xa que a persoa identificada tivo que ser requirida para que cesasen as molestas ata en tres ocasións, manifestando que fai todo isto para “amolar” aos veciños.