Comunicado de Prensa da Policía Local de Lugo

Na tarde do día 9/03/20, efectivos da Unidade Territorial de Policía de Barrio da Policía Local de Lugo procederon a auxiliar a unha muller, que se achaba nunha vivenda da rúa Angelo Colocci aparentemente inconsciente

A muller que inicialmente estaba tirada no chan da vivenda foi trasladada á cama e posta en posición de seguridade ata a chegada dunha ambulancia do 061 e pola intervención da dotación médica recuperou a consciencia, sendo trasladada posteriormente ao HULA

Martes, 10 de marzo de 2020
Fonte: 
Gabinete de Prensa
Comunicado de Prensa da Policía Local de Lugo

Na mesma tarde, efectivos da Unidade Territorial de Policía de Barrio estableceron varios filtros de seguridade viaria na zona da Piringalla e Agro do Rolo, para o control do cumprimento, por parte de condutores e ocupantes dos vehículos, da obrigación de utilizar o cinto de seguridade.

Foron denunciados 6 condutores e 2 ocupantes por non utilizar o cinto de seguridade, correctamente abrochado, levando consigo multa, para os primeiros de 200 euros e a retirada de 3 puntos do permiso de conducir e para os segundos 200 euros de multa.

No transcurso destes filtros de seguridade viaria detectouse un condutor de 23 anos que conducía un vehículo, tendo declarada a perda de vixencia do seu permiso de conducir por perda total dos puntos asignados legalmente, instruíndose dilixencias por un delito contra a seguridade viaria e citado como investigado para Xuízo Rápido.

O vixente Código penal castiga esta conduta con pena de prisión de tres a seis meses ou coa de multa de doce a vinte e catro meses ou coa de traballos en beneficio da comunidade de trinta e un a noventa días.

Noticias relacionadas