O Alcalde de Lugo, José López Orozco, acompañado pola Concelleira de Benestar Social e Igualdade, Ana González Abelleira, despediu esta mañá aos veciños e veciñas que participan na primeira das excursións programadas este verán polo Concello.

Nesta primeira excursión os participantes pasan a xornada en Vilalba e Viveiro.A saída desta viaxe foi dende a parada de autobuses urbanos da Praza de Santo Domingo ás 09.00 horas e o regreso está previsto, aproximadamente, para as 20.30 horas ao mesmo punto de saída.

Esta é unha das cinco excusións por Galicia que organiza a Área de Benestar Social e Igualdade do Concello de Lugo durante o verán.

A próxima viaxe está programada para o mércores 6 de agosto a Cedeira e San Andrés de Teixido, o 13 de agosto visitarase a zona e praias de Pontedeume, o 20 de agosto as de Ribadeo e Tapia e finalmente, o 27 de agosto, a Betanzos. En caso de mal tempo haberá unha alternativa de viaxe e será a visita da vila ou da cidade máis próxima para que poidan aproveitar o día.