Rosana Rielo presentou esta programación con cursos de iniciación á informática, mercar por Internet, utilización de smartphones, redes sociais e retoque fotográfico
Todos os cursos son gratuítos e están dirixidos a toda a poboación. Para inscribirse hai que chamar ao Servizo de Información Cidadá 010 ou 982-297-350
A Concelleira de Concello e Cidadanía, Rosana Rielo, presentou este xoves no Salón de Comisións a nova programación de cursos de alfabetización tecnolóxica E-Nadal, que se desenvolverá durante este Nadal nas aulas CEMIT de María Balteira e O Castiñeiro.
Na aula de María Balteria haberá un curso de utilización de smartphones do 12 ao 16 de decembro, de luns a venres de 12:00 a 14:00 horas, outro de redes sociais do 19 ao 30 de decembro, de luns a venres de 10:00 a 12:00 horas, e de retoque fotográfico do 12 ao 28 de decembro, de luns a mércores de 16:30 a 18:30 horas.
En canto á aula do Castiñeiro, celebraranse un curso de iniciación á informática do 19 ao 30 de decembro, de luns a venres de 10:00 a 13:00 horas, e outro curso sobre mercar por internet, do 12 ao 16 de decembro, de luns a venres de 10:00 a 12:00 horas”.
Todos os cursos son gratuítos e están dirixidos a toda a poboación. A programación pode consultarse na web do Concello www.lugo.gal e para inscribirse é preciso chamar ao Servizo de Información Cidadá a través do teléfono 010 ou 982-297-350 para chamadas dende fóra de Lugo.
A edil lembrou que “nestas aulas faranse máis cursos cunha programación específica ao longo do vindeiro ano e que, ademais, estas aulas están abertas ao seu uso por parte dos diferentes colectivos e asociacións da cidade”.
Durante este ano foron utilizadas pola Amtega con cursos de redes sociais de negocios e de Internet, a ONCE realizou cursos de alfabetización dixital e de ofimática, as ANPAS dos colexios Menéndez Pelayo e Luis Pimentel fixeron cursos de robótica e a asociación profesional Lyo Global Team facendo cursos de redes sociais e de Internet.
Máis info
- Programación das Aulas CEMIT para o Nadal 2016 |Descargar mp3