Lara Méndez e Miguel Fernández deron o pistoletazo de saída as diferentes categorías desta proba na que participaron preto de 2.000 atletas de todas as idades
A próxima proba desta edición, que está formada por seis carreiras, discorrerá pola estrada do río Rato e terá lugar o 12 de febreiro
- Tema
A Alcaldesa de Lugo, Lara Méndez, e o Concelleiro de Deportes e Medio Rural, Miguel Fernández, deron este sábado na praza Maior o pistoletazo de saída ás diferentes categorías da proba Nocturna Monumental, na que participaron preto de 2.000 atletas de todas as idades e coa que arrinca a 17 edición do Circuíto de carreiras populares Larsa Corre con nós.
O calendario desta edición do Corre con nós está formado por 6 carreiras comprendidas entre xaneiro e xuño do 2017, sendo a próxima a que discorre pola estrada do río Rato e que terá lugar o 12 de febreiro.
