Abrirán as súas portas este luns día 1 de xullo, de 12.00 h. a 20.00 h. Ademais do pintado, realizáronse melloras no sistema de depuración. Parte das obras desenvolvéronse co traballo de tres persoas do programa de prevención de exclusión social.
A área de Deportes do Concello de Lugo abre as portas das piscinas exteriores de Frigsa este luns, día 1 de xullo, despois desenvolver numerosas actuacións de mellora nas súas instalacións.
Ademais das labores de limpeza xeral das dependencias, incluídos os almacéns e os tragaluces, os operarios procederon á reparación e encintado de laxas da praia perimetral dos tres vasos e ao pintado das varandas de exteriores.
Tamén se procedeu ao pintado das portas en xeral e de paramentos verticais, así como á posta ao día dunha nova dependencia como enfermaría e zona de SOS, execucións estas últimas desenvolvidas, ademais, co traballo de tres persoas a través de programas de inserción social.
Outras execucións foron a instalación dun novo depósito de gran capacidade de cloro e a mellora do sistema de depuración co apontoamento de diferentes elementos e a substitución de tubaxes e pezas defectuosas. Así mesmo, procedeuse á automatización da dosificación de produtos químicos no tres vasos coa instalación de dous vixiantes dixitais e un automático de pastillas.
O horario das piscinas será de 12.00 ás 20.00 horas, e este ano contarán con 5 socorristas.
O concelleiro socialista que se fará cargo de novo da área de Deportes, Miguel Fernández, sostivo que estas actuacións entran na dinámica de mantemento e melloras que se fan cada ano nas piscinas, “aínda que este verano se reforzan para conseguir unhas instalacións máis do agrado de todos os usuarios”.
Audio
- O edil Miguel Fernández, sobre as piscinas de Frigsa | Descargar mp3