A Alcaldesa, Lara Méndez, avanzou este venres, unha vez coñecida a decisión do Ministerio de Xustiza de non aprobar o cuarto xulgado do social para Lugo, que proporá á Xunta de Voceiros o vindeiro luns a aprobación dunha declaración institucional para reivindicar esta unidade xudicial, “unha necesidade avalada política, xudicial e socialmente que debe ser atendida polo Goberno central”, subliñou a rexedora. “Sempre vamos a defender o que necesita Lugo para que sexa unha cidade de futuro, para que teña prestacións e servizos, e desde logo unha necesidade importante de cara a buscar a protección da cidadanía, mesmo dos eslabóns máis débiles da cadea é un xulgado do social, polo que seguiremos reivindicando”, subliñou Méndez.