A Alcaldesa, Lara Méndez, recibiu este luns ao grupo profesional de baile Ritmo Lugo pola ducia de premios que vén de conseguir no Campionato do Mundo de baile, que se celebrou recentemente na cidade de Torremolinos. Nesta competición destacaron os bailaríns lucenses Magali Piedra e Jandro Pallares, que quedaron de primeiros en baile artístico e merengue, entre outros trofeos que acadaron.

Lara Méndez agradeceu o esforzo que están a realizar este grupo de bailaríns e animounos a seguir traballando con tanta dedicación como o están facendo, para conseguir moitos máis logros como estes. Tamén lles pediu que fixeran de embaixadores da cidade nos distintos lugares que visitaran.