80 rapaces e rapazas melloran a súa capacidade de emprendemento co obradoiro A Aventura de Diana

Ana Prieto mantivo un encontro cos participantes do primeiro dos tres obradoiros que organiza o Concello para fomentar o emprendemento en resposta ás peticións veciñais dos Orzamentos Participativos

Os dous obradoiros restantes levaranse a cabo os días 20 de novembro e 18 de decembro, ás 16:00 e 11:00 horas, respectivamente. Están dirixidos a mulleres emprendedoras e a desempregados en xeral

Luns, 09 de novembro de 2015
Fonte: 
Gabinete de Prensa
Ana Prieto durante o encontro cos participantes de A Aventura de Diana

A Concelleira de Economía, Emprego e Desenvolvemento Económico, Ana Prieto, mantivo este luns un encontro no CEI-NODUS cos 80 primeiros participantes dos obradoiros posto en marcha polo Concello para fomentar e capacitar a innovación e o emprendemento. A esta primeira xornada asistiron alumnos e alumnas dos institutos Muralla de Lugo, Leiras Pulpeiro e A Nosa Señora dos Ollos Grandes. Os dous obradoiros restantes, levaranse a cabo os días 20 de novembro e 18 de decembro, ás 16:00 e 11:00 horas, respectivamente.

As actividades, que levan o nome de A Aventura de Diana: Emprendendo e Innovando Contra Vento e Marea, dan resposta ás peticións veciñais dos Orzamentos Participativos e están dirixidas a mozos e mozas, mulleres emprendedoras e desempregados en xeral.

Nacho Villoch, experto en innovación e emprendemento, é o encargado de impartir estes obradoiros, nos que se recollen máis de 60 conceptos, referencias, ferramentas e aprendizaxes sobre innovación e emprendemento, baseados nunha novela orientada a asesorar aos emprendedores. A través dun storytelling, Villoch narra unha viaxe de exploración e descubrimento coas vicisitudes que todo emprendedor atopará no seu proxecto.

Noticias relacionadas