Área de Mobilidade e Infraestruturas

Actualidade

O campo municipal José María Rodríguez Lago, nas Gándaras, acollerá un torneo de fútbol base con 500 rapaces e rapazas
Sábado, 23 de marzo de 2024

Terá lugar o vindeiro luns e martes organizado pola ADC Sagrado Corazón co apoio do Concello e reunirá a 36 equipos chegados de toda a comunidade e da provincia de León.

Jorge Bustos: “Lugo converterase nunha das cidades máis importantes do fútbol base de toda Galicia, dándose cita no noso municipio moitas das mellores canteiras do país”.

As áreas de Cohesión Territorial  e Transición Ecolóxica destinan 591.796 euros a ampliar a rede municipal de augas e ao acondicionamento de vías no rural
Venres, 22 de marzo de 2024

O Executivo de Paula Alvarellos acometerá con cargo ao Plan Deputación tres proxectos de abastecemento e saneamento nas parroquias de Pías, Cimadevila e Saamasas.

A proposta do Goberno local destina máis de 330.000 euros desta liña de financiamento á mellora do firme en camiños e estradas de distintas parroquias.

“O obxectivo é utilizar esta ferramente para executar obras que temos programadas, o que nos permite traballar de forma paralela noutros proxectos destinados a cubrir as necesidades desta zona do municipio”, sinalou González Abelleira.

Xuventude ofrece un curso gratuíto de pesca deportiva no río Miño impartido polo pentacampeón do mundo, David Arcay
Venres, 22 de marzo de 2024

Trátase da segunda edición desta iniciativa que se puxo en marcha por primeira vez o pasado ano con gran éxito. Terá lugar nos meses de abril, maio e xuño.

Jorge Bustos: “É unha magnífica ocasión tanto para iniciarse neste deporte como para mellorar a técnica, pois contaremos cun docente de luxo cun palmarés envexable”.

En total haberá 48 prazas dispoñibles, divididas en 4 grupos, dous de iniciación e outros dous de perfeccionamento. As inscricións abrirán este martes 26 en www.lugomasxti.org