Área de Cultura, Turismo, e Promoción da Lingua

Actualidade

O Arde Lucus máis patrocinado da historia, regresa no seu máximo esplendor, cunha programación que inclúe máis de 400 actividades
Luns, 23 de maio de 2022

A alcaldesa de Lugo e o edil de Xuventude presentaron este luns o programa da cita, acompañados de membros das asociacións de recreación histórica do concello.

Lara Méndez: “É unha edición moi ilusionante, queremos acadar o distintivo de Festa de Interese Turístico Internacional, para o que focalizamos os esforzos nos últimos dous anos”

A XXI edición do Arde Lucus, que terá lugar do 9 ao 12 de xuño, contará cunhas 100 actividades diarias, que encherán de vida as rúas da cidade.

Entre as novidades destaca un espectáculo de realidade aumentada na Mosqueira, pioneiro en Galicia, a través do que se recreará en tempo real a época de esplendor de Lugo no s. I.

Tamén regresan dúas actividades estrela: o circo e a carreira Mvrvs Lvcis, ambas con inscrición previa. Haberá vodas, loitas, desfiles, obradoiros e un amplo número de actos.

A Feira de San Isidro da Milagrosa cumpre 25 edicións poñendo en valor os productos autóctonos e artesanais, coa colaboración do Concello
Xoves, 19 de maio de 2022

A cita regresa esta fin de semana coa participación duns 30 vendedores chegados de A Coruña, Oviedo, Ourense, Pontevedra e diferentes puntos da provincia de Lugo.

Lara Méndez: “Esta cita supón unha gran oportunidade para enxalzar as nosas raíces rurais e dinamizar durante varios días as rúas deste barrio, así como o comercio local”.

Pablo Rivera destacou “a importancia de apostar por unhas políticas de colaboración entre o sector primario, a investigación das universidades e o apoio das administracións”

Durante a presesentación de hoxe, tivo lugar o nomeamento como socio de honra da Asociación da Milagrosa de César Dorado, presidente de ACRUGA.

Os axentes de dinamización turística de Lugo apoian o proxecto da Fábrica da Luz como Centro de Enogastronomía
Luns, 16 de maio de 2022

O Plan de Sostibilidade Turística de Lugo impulsado pola Alcaldesa, Lara Méndez, presentado hoxe aos fondos europeos, incorpora suxestións da Mesa de Participación.

As asociacións de empresarios, hostaleiros, cociñeiros e comerciantes mandaron a súa adhesión ao proxecto, así como a Universidade, a Deputación e o Clúster de Turismo.

Das enquisas recollidas, os participantes apoian de xeito maioritario a creación do centro de enogastronomía, sendo a puntuación de 10 a resposta máis elixida.

Luns, 16 de maio de 2022

A actividade, organizada polo Servizo de  Prevención de Drogodependencias ao abeiro do programa +Xti, pon a disposición un total de 36 prazas, divididas en dous grupos de 18 persoas.

As e os interesados poderán apuntarse a patir do mércores, 18 de maio, ás 09:00 horas, no apartado de "inscricións" da web:  www.lugomasxti.org.