Centro de Empresas e Innovación (CEI) E NODUS

O Centro de Empresas e Innovación (CEI) é unha iniciativa do Concello de Lugo para a promoción económica da cidade e un apoio á posta en marcha de novas iniciativas empresariais.
Con este obxectivo o CEI céntrase en tres áreas básicas de servizos. A primeira trata de facilitar a creación de empresas de carácter innovador nun contorno idóneo para a xeración de novas iniciativas. Así, combínanse as infraestruturas coa asesoría técnica para facilitar o arranque e a consolidación de proxectos empresariais. Para elo o patrocinase a cooperación entre as empresas situadas no Centro co obxectivo de conseguir unha mellor inserción no mercado.

A segunda das áreas de servizo do CEI é a programación dunha oferta continuada de formación en materia de xestión e a innovación empresarial mediante cursos, seminarios e actividades de carácter divulgativo.

Finalmente o CEI ofrece tamén asesoría para todo tipo de empresas interesadas en iniciar proxectos vencellados ao I+D+i.

Estas tres áreas de servizo buscan promover novos investimentos na provincia de Lugo por medio de iniciativas empresariais que contribúan ao desenvolvemento económico do concello e especificamente a:

  • Fomentar empresas cun selo de calidade.
  • Dinamizar a cooperación empresarial.
  • Diversificar a estrutura produtiva local, favorecendo a instalación de empresas de carácter innovador.
  • Crear un medio idóneo en canto a prezos e a servizos que lles permitan ás iniciativas empresariais desenvolver o seu plan de empresa para que, cun tempo de estancia limitado no Centro, estean en situación de competir dentro das condicións do mercado.
  • Servizos
  • Espazos
  • PAIT 
  • Admisión
  • Axudas e subvencións

Actualidade

Felipe Rivas: “desde a concellería de Educación mantemos anualmente 89 postos de traballo”
Martes, 02 de marzo de 2021

A concellería de Educación mantén empregos nos servizos de Escolas Infantís Municipais, Comedores e Actividades Extraescolares

O edil de Educación lembrou que “durante o confinamento conseguimos que todas as traballadoras dependentes de Educación mantivesen o seu emprego”

Finaliza a primeira fase do Plan Muramiñae Rehabilita coa inserción laboral de 3 traballadores nunha empresa lucense
Venres, 12 de febreiro de 2021

A alcaldesa mantivo unha videoconferencia cos participantes nesta primeira edición do programa socio-laboral, enmarcado na estratexia DUSI do Concello.

Lara Méndez: “Co voso traballo contribuístes a poñer en valor distintos puntos da cidade, axudando a mellorar o patrimonio lucense e deixando a vosa impronta”.

As brigadas realizaron traballos de albanelería, xardinería e mobiliario no entorno do Miño, nos parques Rosalía, O Castiñeiro e Simón Bolívar e na rúa Garañón.

O Goberno local dará prioridade ao dimensionamento do Servizo de Augas cando entre en vigor a Bolsa de Emprego Municipal
Luns, 21 de decembro de 2020

Este departamento, que trala reorganización de efectivos dispón só de seis traballadores, tramitou durante 2020 máis de 1.300 altas e resolveu, cada trimestre, ao redor de 2.000 consultas cidadás.

O Concello estenderá o viveiro da Tinería aos locais que reciba trala recuperación do Pazo de Dona Urraca e a súa contorna
Luns, 23 de novembro de 2020

A alcaldesa de Lugo e a conselleira de Medio Ambiente asinaban esta mañá o protocolo de actuación para materializar o proxecto

Segundo Lara Méndez, “este é un exemplo de traballo entre Administracións que, poñendo en valor os puntos converxentes, respectan o poder de decisión que cada unha ten sobre os bens que son da súa titularidade”

A rexeneración da zona, que obrigará a modificar o Pepri, recolle tamén criterios de sustentabilidade, “para que Lugo siga a ser referente en actuacións medioambientais sostibles”, destacou a rexedora