A Concellería de Protección da Comunidade informa de que o xeo foi o causante dalgúns problemas de tráfico rexistrados a primeira hora da mañá. A Policía Local recibiu avisos de incidencias por xeo nos seguintes lugares: avenida de Breogán, onde quedaron cruzados vehículos na calzada e acudiron unha dotación da Agrupación de Tráfico e Seguridade Viaria da Policía Local e voluntarios de Protección Civil, e avenida da Infanta Elena, tamén con placas de xeo.

Nos accesos ó Hospital de Calde tamén había xeo o que impediu que chegaran ata alí os autobuses urbanos a primeira hora.

O acceso ó HULA produciuse sen incidentes, desde primeira hora da mañá traballaron alí operarios do Concello que botaron sal nos accesos.