Continúan as xuntanzas dos grupos políticos para analizar o Plan Xeral

Lunes, 12 de noviembre de 2007
Fuente: 
Gabinete de Prensa

O traballo de plasmación dos cambios no plan non retrasará a aprobación definitiva pola Xunta de Galicia

O Concelleiro de Urbanismo, Francisco Fernández Liñares informou sobre a nova xuntanza mantida co equipo redactor do Plan Xeral de Ordenación Municipal e os representantes dos grupos políticos con representación municipal.

Fernández Liñares dixo que nesta reunión repasaron conceptos previos xa vistos noutras xuntanzas e centraron as primeiras horas na análise dos barrios das Gándaras e Feixóo.

No referente ó barrio Feixóo o edil destacou que a Xunta de Galicia decidiu que sexa solo urbanizable non consolidado, “hai que obter dotacións públicas e hai zonas non edificadas”. Este punto foi aceptado por unanimidade polos tres grupos. Outro acordo para esta zona, foi “eximir o 10% do aproveitamento urbanístico municipal para facilitar máis a xestión”.

Gándaras
Fernández Liñares tamén explicou que no referente ó barrio das Gándaras ante a proposta inicial das redactoras da construción dunha avenida ancha, plantexaron dúas alternativas, unha ó oeste da calzada, dende a terceira Ronda ata Ponte Romai, e outra no leste dende o norte do Hospital cruzando Galegos, a Avenida Carlos Azcárraga e o coñecido como urbanizable de Burozos. O problema de pendente neste caso, segundo explicou o Concelleiro, pódese solucionar “as redactoras din que é sinxelo que a pendente non supere o 6 ou 7% nesta vía”.

Outro acordo ten que ver coas dotacións deportivas. No contorno do Parque Empresarial das Gándaras construirase unha zona deportiva de 300.000 metros cadrados e novas dotacións públicas “na zona norte da cidade haberá un extraordinario desenvolvemento deportivo”.
Aprobación definitiva en prazo
Fernández Liñares explicou que cando rematen as xuntanzas coa oposición -previsiblemente esta será a última- as redactoras deberán plasmar os cambios e a normativa no Plan .O Concelleiro aclarou que, se non da tempo a levar o documento para a aprobación provisional ó Pleno do 5 de novembro, levarase posteriormente a un Pleno Extraordinario. Aínda así, isto non afecta ós prazos de aprobación do documento definitivo por parte da Xunta de Galicia, que está previsto que sexa no mes de febreiro.